Une des participantes de l’événement Jérémie Fashion pour l’année 2026
Dans la Cité des Poètes, la création stylistique s’apparente à une quête spirituelle et poétique. À travers des assemblages audacieux et une fidélité viscérale à la matière, la jeune créatrice Géralda Iseïde sculpte l’étoffe pour réenchanter le paysage social haïtien. À l’approche de la nouvelle édition de Jérémie Fashion 2026, rencontre avec une artiste pour qui l’aiguille est à la fois pinceau de mémoire et manifeste d’espérance.
À Jérémie, là où les vagues de la Grande-Anse viennent caresser le souvenir des poètes, la mode ne se contente pas d’habiller les corps : elle traduit les frémissements d’une âme collective. Géralda Iseïde, figure montante du stylisme dans le Grand Sud, aborde la haute couture comme une méditation esthétique. En mariant la rigueur technique acquise lors de sa formation à l’école Etra-Coupe de Port-au-Prince aux éclats bruts de son environnement natal, elle réinvente le vêtement en métaphore visuelle. Pour cette nouvelle édition du grand rendez-vous Jérémie Fashion 2026, la jeune créatrice propose une immersion sensible au cœur de la matière, transformant les fragments épars du présent en une œuvre d’art textile harmonieuse et résiliente. Voici un entretien exclusif qu’elle accorde au journal Wosinyòl Info.
Wosinyol Info: Fè yon ti pale mwen de ou, kòm moun, kòm jeremyen, kòm kreyatris.
Géralda Iseïde :Deja, non pa m se Géralda Iseïde. Mwen fèt Jeremi, epi, paran m yo se moun Jeremi tou. Mwen fèt tout etid klasik mwen Jeremi. Epi apre etid klasik mwen, mwen te ale Pòtoprens pou m al aprann wot kouti. Boutofen, depi 2021, mwen nan domèn lan pou jiskaprezan. M panse se sa m ka di sou mwen nan kad yon prezantasyon kout.
Wosinyol Info : Kounye a, pale mwen rapò w avèk mòd. Kòman w fè twouve mòd? Èske se nan lekòl? Èske se depi timoun ou te gen rapò avèk mòd, nan tout kreyasyon w te wè? E ki genyen yon rapò avèk sa ou renmen tou?
Géralda Iseïde: M panse m fèt avèk sa nan mwen. Paske, riii, depi lè m tou piti oubyen timoun, mwen te toujou renmen tout sa ki gen yon rapò avèk atizay. M te renmen fè desen. Depi m wè yon bagay la, nenpòt sa m wè a, m anvi entèprete l. E se sa m te toujou vle. Pou dayè, m te toujou vle, tout sa m ap fè, li parèt pafè. Kidonk, m leve avèk menm prensip sa ak menm lanmou an. Epi m vin renmen kreyativite anpil tou. Se sa k fè mwen vrèman renmen domèn mòd lan. Li pènmèt m kreye pyès mwen yo, ki toujou parèt inik ak mwen menm. Se sa menm ki se nanm yon atis.
Wosinyol Info : Ou etidye pou sa, oswa se yon don/talan w fèt avè l?
Géralda Iseïde : Mwen etidye pou sa nan Etra-Coupe, Pòtoprens.Kounye, a ou leve Jeremi, ou apre, ou te deplase pou ale Pòtoprens, ou tounen. Di nou, kòman ou wè kesyon mòd lan ap evolye nan Jeremi?
Géralda Iseïde : Bon, pou kesyon mòd lan, m ka di li ap fè yon ti evolye nan Jeremi. Men, Jeremi toujou rete yon kote ki trè pòv nan koze mòd. Paske moun yo pa vrèman bay sa enpòtans yo ta dwe ba li an. Yo diminye moun k ap fè kreyativite. Anfèt, m pa pral jeneralize ka a pou m di tout moun, byen nantandi. Gen moun ki konprann ki sa ki rele kreyativite, ki sa ki rele atizay la, ki sa k rele wot kouti. Men gen anpil moun tou, ki poko ka konprann domèn sa. Lè w di yon moun ou etidye wot kouti, yo jis di kareman; « Eske w pa t gen anyen ki pi wo w te ka aprann? » Pandanstan sa, se yon bagay ki mande anpil anpil anpil anpil entèlijans ak sans kreyativite.
Wosinyol Info : Men kounye a, kijan w te ka esplike moun yo ki diferans ki genyen ant wot kouti ak kouti senp pou w kapab plizoumwen eklere moun yo sou diferans lan?
Géralda Iseïde : Bon, pou mwen, kouti senp lan, se tout kouti kote w te ka konsidere l, tankou, prètapòte. Se yon kalte kouti moun ka jwenn tout kote, nenpòt kote w pase yon moun ka jwenn li kòm modèl pou mete sou li. Se kòmsi w ka jwenn yon latriye milye egzanplè nan yon modèl. Men, m panse wot kouti a li menm, se totalman diferan. Paske, pyès wot kouti yo, yo souvan inik. Ou ka jwenn 2 egzanplè oswa 3 konsa. Ou konprann? Wot kouti a se tout yon pasyon, yon enèji, yon vibrasyon, yon lanmou w gen pou yon bagay, epi w mete tout sa sou yon mòso twal.
Wosinyol Info :Men kounye a, pandan w ap pale konsa, èske kouti a gen yon rapò avèk kilti peyi a? Èske w kapab deside koud san w pa devlope okenn rapò avèk kilti peyi a, epi, sitou nan nivo kreyasyon w ap fè yo? Ou byen, èske kouti a se yon posibilite tou pou vann kilti oswa kreyativite oswa imajinè kolektif pèp la?
Géralda Iseïde : Bon, nòmalman, mòd, m panse se yon zouti atravè limenm, nou ka eksprime tout sa nou santi, tout sa nou anvi fè parèt. Pa egzanp, kilti peyi nou, jan w di l la. M panse tou, atravè mòd lan, ou ka vrèman montre sa ki gen nan peyi w.
Wosinyol Info : Kounye a, nou konnen w ap patisipe nan yon aktivite ki ap fèt Jeremi sou kesyon mòd, ki se Jeremi fachoun. Tou pwofite pale nou sou aktivite sa. Konbyen tan li ap fèt? Kòman l fèt? Kòman tout bagay ap evolye?
Géralda Iseïde : M panse ane sa, se swa 3èm oswa 4èm edisyon, m pa vrèman raple m. Men mwen, mwen kòmanse ap bay kout men pa m, se depi ane pase. Mwen te fè yon kreyasyon, se te avèk twal Karabela paske m panse atravè li, mwen te ka plis valorize kilti peyi mwen. Kidonk, mwen te fè l ane pase. M panse gen anpil moun ki te apresye sa tou. Epi ane sa ankò, mwen fè yon lòt modèl m panse ki pale sou idantite nou. Paske se kòmsi se plizyè mòso twal oubyen tisi. Savledi, yon latriye moso twal ki andezòd, m rasanble yo pou m kreye pyès oubyen pou m fè yon bagay pafè.
Wosinyol Info : Kounye a, kisa w tire sou eksperyans sa? Nan bon sans, kou nan movè sans, pandan de ane sa yo?
Géralda Iseïde : Bon, sa m tire, gen moun ki pa t konnen m, ki an fèt, ki pa t konn kreyasyon m yo, ki ap aprann dekouvri yo. E mwen menm tou, mwen fè plis efò tou paske a chak fwa m ap kreye, m panse kapasite m ap devlope. E mwen wè sa! E kote ki negatif lan, m ka di, se paske yo pa gen anpil moun ki vrèman apresye aktivite a, nan nivo yo ta dwe apresye l la.
Wosinyol Info : Men èske w ka pi byen prezante nou kreyasyon w gen ane sa? Paske w di se plizyè moso twal ki andezòd w ap tante mete nan lòd. Èske, li gen yon mesaj kache dèyè l? Paske nan peyi a gen yon dezòd wòdpòte. Èske nou ka kreye lòd apati dezòd la? Ki sa kreyasyon sa enspire w oswa sa l ka enspire moun kèlkeswa sans lan? Menm lè m konnen yon kreyasyon ki fèt, chak moun ka entèprete l nan sans pa l.
Géralda Iseïde : Wi. Bon mwen menm, kreyasyon sa, lè m ap fè kreyasyon an, m pa t gen yon lide klè alabaz. M jis di « Men kisa m pral kreye ». Men se nan chita reflechi mwen toujou renmen kreye yon latriye bagay ki espektakilè, ki inik ak mwen menm. Epi, lè yon moun rive pou l di « Sa se Géralda ki fè sa ». E se pandan, m chita m ap reflechi sou ki modèl mwen te ka kreye, epi m di : « Poukisa m pa kreye yon modèl ki melanje avèk plizyè ti moso twal », kòman m te ka di la, se rive rasanble yon latriye bagay ki vye, moun pa itilize, epi pou m kreye apati de yo, fè enpafè vin pafè. E m panse sa gen rapò tou avèk sitiyasyon peyi nou jodi a. Paske nenpòt jan bagay yo ye pou kounye a, nan tout kawo sa nou ye a, nan tout enstabilite sa nou ye la, m panse nou ka pran tout kawo sa yo, tout dezòd sa yo, pou nou aranje yo nan fason ki ka ban nou yon bagay pozitif avèk anpil pèfeksyon.
Wosinyol Info: kidonk se fè sa yo rele « Du neuf à partir du vieux » nan yon chema pòsmodèn ki tou branche sou kreyolite a. Men kounye a, ki pi gwo rèv ou genyen nan mond mòd lan? Sa w vize? Pwojè w, pèspektiv ou pou lavni w?
Géralda Iseïde : Pwojè m nan domèn mòd lan, se premyeman,fè moun peyi m konprann mòd lan nan nivo yo dwe konprann li an. Dezyèmman, itilize rekonesans sa, pou reyalize yon revolisyon nan koze mòd la nan peyi a pou ba l yon dimansyon entènasyonal.
Wosinyol Info:Ki obstak ou jwenn pou reyalize yon pwojè konsa?
Géralda Iseïde : Jiskaprezan mwen ka di pou jan de pwojè sa yo, ou ta sipoze gen moun ki kanpe ansanm avèk ou, ki ede w goumen pou sa w kwè a. Men, ou pa toujou jwenn sa yo.
Wosinyol Info : Men ou pa gen yon fason ou panse ou ta kapab kontounen obstak sa yo?
Géralda Iseïde : Bon, jiskaprezan, m ap fè efò toujou. Paske m ap toujou pale, m ap toujou kreye, epi sitou, montre mòd lan ka plis pase sa yo panse li ye a.
En s’enracinant à Jérémie et la ville des Cayes, Géralda insuffle à la matière l’aura de la Cité des Poètes. L’utilisation prioritaire de textiles comme le Karabela matérialise une reconquête symbolique du patrimoine national et de la mounité. La démarche de concasser des coupons de tissus disparates ou jugés inutilisables pour réarticuler une forme harmonieuse fait écho à la résilience collective haïtienne. C’est-à-dire, un lieu de création pouvant transformer les déchirures sociales en beauté réinventée. Loin du prêt-à-porter sériel, chaque création est une pièce unique imprégnée d’énergie affective, d’intellect et de dignité artistique, réclamant une reconnaissance pleine et entière de la création stylistique. Enfin, À travers le prisme de Jérémie Fashion 2026, Géralda Iseïde ne propose pas seulement des vêtements. Elle nous tend un miroir poétique dans la cité des poètes. Face aux incertitudes du monde et aux incompréhensions culturelles, son travail réaffirme que la mode demeure l’un des espaces les plus vivants pour manifester la grandeur, la beauté et l’espérance haïtienne.
